Sa kanilang regular Monday flag raising ceremony, inatasan ni Moreno si Vice Mayor Honey Lacuna at ang City Council para lusawin na ang nabanggit na tanggapan.
Unang katwiran ni Moreno ay patuloy na nagiging pasaway ang mga tricycle drivers, gayundin ang ang patuloy na katiwalian sa MTRO.
Dagdag ng opisyal dahil sa lingguhang pangongotong ng ilang tiwaling tauhan ng MTRO kaya malakas ang loob ng ilang tricycle drivers na bumiyahe sa labas ng kanilang ruta.
Sa kanyang obserbasyon, tila ang mga tricycle driver na ang hari ng kalsada dahil maging sa mga pangunahing kalsada sa lungsod ay bumibiyahe sila ng walang pakundangan.