2 timbog sa buy-bust operation sa Dumaguete City
Arestado ang dalawang katao sa ikinasang buy-bust operation sa Dumaguete City, Negros Oriental araw ng Biyernes (September 20).
Ayon sa Philippine Drug Enforcement Agency Regional Office 7- Central Visayas, isinagawa ang operasyon sa bahagi ng Purok Matinabangon sa Barangay Bagacay bandang 5:05 ng hapon.
Nahuli ang mga suspek na sina Jeymarie Jayme alyas “Jai-jai.” miyembro ng isang drug group, at si Mecel Maxilom alyas “Nice.”
Nakuha sa dalawa ang walong pakete ng hinihinalang shabu na may bigat na mahigit-kumulang 10 gramo.
Nagkakahalaga ang nakumpiskang ilegal na droga ng P68,000.
Maliban dito, narekober din sa mga suspek ang ginamit na buy-bust money sa operasyon at isang cell phone.
Mahaharap ang dalawa sa kasong paglabag sa Article 2 ng Republic Act 9165 o Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.