7 Pinoy na apektado ng sunog sa Maldives, ligtas – DFA

Ligtas ang pitong Filipino na apektadong ng sumiklab na sunog sa Maldives, ayon sa Department of Foreign Affairs (DFA).

Sa inilabas na pahayag, sinabi ng DFA na iniulat ng Embahada ng Pilipinas sa Bangladesh na nakatira ang pitong Pinoy sa ilang gusali na nasunog sa capital city ng Maldives na Malé.

Dahil sa laki ng sunog, libu-libong residente ang inilikas sa lugar.

Patuloy namang tinututukan ng embahada katuwang ang Philippine Consulate sa Malé ang sitwasyon matapos ang malaking sunog sa nasabing bansa.

Sumiklab ang sunog sa bahagi ng Malé noong Biyernes ng gabi, September 20.