Apat na Chinese tourists patay sa bus accident sa Utah

Patay ang apat na katao na pawang turistang Chinese makaraang maaksidente ang sinasakyan nilang bus sa Utah.

Sakay ng bus ang 30 Chinese na turista na umalis ng Las Vegas at patungo sana sa isang red-rock tour landscape sa southern Utah.

Malapit na sana sa parke ang bus nang mangyari ang aksidente.

Nawalan umano ng kontrol ang driver sa bus dahilan para maaksidente ito sa highway.

Maliban sa 4 na nasawi, 5 pa ang nasugatan at kritikal ang kondisyon.

Maayos naman ang kondisyon ng iba pang mga pasahero at 12 ang nananatili pa sa mga pagamutan.

Ayon kay Utah Highway Patrol Sgt. Nick Street, karamihan sa mga turista ay hindi nakasuot ng seatbelt.