Imahe ng Itim na Nazareno, nailipat na sa Quirino Grandstand

Mas maagang inilipat sa Quirino Grandstand ang Imahe ng Itim na Nazareno kumpara sa nakagawian.

Ito ay para sa taunang pahalik sa nalalapit na kapistahan ng Black Nazarene sa Sabado, January 9.

Inaayos pa ngayon ang barikada, sound system at entablado ng Quirino Grandstand at hindi pa sinisimulan ang pahalik.

Alas 10:30 ng gabi kagabi inilipat sa Quirino Grandstand ang Itim na Nazareno na mas maaga kumpara sa nakagawian noong nagdaang mga taon na isinasagawa ang paglilipat isang araw bago ang traslacion.

Bagaman hindi pa nagsisimula ang pahalik, maaga pa lamang ay mayroon nang ilang deboto sa lugar para mauna sila sa pila.