Cagwait, Surigao del Sur 4 na beses na nilindol sa loob ng 11 oras
Niyanig ng magnitude 3.6 na lindol ang bayan ng Cagwait, lalawigan ng Surigao Del Sur bandang alas-9:57, Sabado ng gabi, Sept. 21.
May lalim ito na 1.1 kilometers at tectonic ang pinag-mulan ng nasabing pagyanig.
Naitala ang episentro nito sa 5.9 kilometers sa Silangang bahagi ng Cagwait sa nasabing lalawigan.
Ito na ang pang-apat na beses na pagyanig na naramdaman sa nasabing bayan mula ala-1:57 ng hapon kung saan naitala ang pinakamalakas na lindol na umabot ng magnitude 4.4.
Ayon sa Phivolcs, sa kabila ng sunud-sunod na lindol sa Cagwait ay walang napinsalang mga ari-arian o gusali, walang nasaktan at walang inaasahang mga aftershocks at intensity.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.