Ayon kay Engineer Edwin Viernes ng National Irrigation Administration (NIA) flood forecasting division, umabot na ang antas ng tubig sa dam sa 192.05 meters level, mas mataas kumpara sa normal water level na 190 meters.
Dahil dito, sinimulan nang magpakawala ng 100-cubic-meter-per-second na tubig mula sa dam kung saan binuksan ang isang isang one-meter-high spillway gate.
Diretso ang tubig sa Magat River.
Ang inflow ay pumalo sa 577 cubic meters per second habang ang outflow ay umabot sa 763 cubic meters per second.
Dahil sa pagpapakawala ng tubig, pinayuhan ang mga residente sa bayan ng Ramon na mag-ingat sa posibilidad ng pagbaha.