Dating DJ at 3 iba pa arestado sa buy bust sa Quezon City

By Len Montaño September 21, 2019 - 01:30 AM

Arestado ang isang dating disc jockey (DJ) sa radyo at tatlong kasama nito sa buy bust operation sa Quezon City Sabado ng madaling araw.

Ayon sa Philippine Drug Enforcement Agency (PDEA), target ng operasyon si alyas DJ Tolits sa operasyon sa bahay nito sa Barangay Toro, Project 8.

Matapos makabili ang tauhan ng PDEA na nagpanggap na buyer, nilusob na ang bahay ng DJ kung saan naaktuhan ang tatlong iba pa na gumagamit ng droga.

Nakatakas naman ang isa pa sa pamamagitan ng pagdaan sa fire exit.

Nakuha sa mga suspek ang 25 gramo ng shabu na nagkakahalaga ng tinatayang P170,000, mga drug paraphernalia na tooter at aluminum foil.

Itananggi ni DJ Tolits na nagbebenta siya ng shabu pero umamin ito na dati siyang gumagamit ng droga.

 

TAGS: 25 gramo, 3 arestado, aluminum foil, alyas Tolits, buy bust, DJ, drug paraphernalia, quezon city, shabu, tooter, 25 gramo, 3 arestado, aluminum foil, alyas Tolits, buy bust, DJ, drug paraphernalia, quezon city, shabu, tooter

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.