2 patay, 1 kritikal sa pagbangga ng truck sa isang tricycle sa Isabela

Dalawa ang patay, habang isa ang sugatan sa pagbangga ng truck sa tricycle sa Ilagan, Isabela.

Kapwa nasawi sa ospital sina Renelito Tacac at Celso Ferrer na parehong magsasaka at residente ng Cauayan City.

Nangyari ang aksidente sa Barangay Malalam sa Ilagan, Biyernes (Sept. 20) ng umaga.

Sugatan naman ang isa pa na nakilalang si Larry Limon.

Ayon sa mga otoridad, paliko ang truck na minamaneho ni Jaybee Boy Gambol, 25 anyos nang mabangga nito ang tricycle.

Patuloy pa ang pagsisiyasat sa insidente.