Naghain ng apela ang panig ni Lance Coprporal Joseph Scott Pemberton sa korte na layong mabaligtad ang guilty verdict sa pagpatay sa transgender na si Jeffrey ‘Jennifer’ Laude.
Bukod dito, naghain din ng hiwalay na mosyon si Atty. Rowena Garcia- Flores, abugado ni Pemberton na layong maibaba ang sentensya sa convicted na US Marine.
Si Pemberton ay nahaharap sa 6 hanggang 12 taong pagkabilanggo sa kasong pagpatay kay Jennifer Laude matapos mapagtanto ng sundalo na isa palang transgender ang kanyang nakatalik noong October 2014.
Kasalukuyan itong nakakulong sa Camp Aguinaldo batay sa kautusan ng Olongapo City Regional Trial Court.
Bukod sa pagkakakulong pinagbababayad din si Pemberton ng mahigit sa apat na milyong piso sa pamilya Laude bilang danyos sa pagpatay nito sa biktima.