Macabebe, Pampanga isinailalim sa state of calamity dahil sa pagbaha

Isinailalim sa state of calamity ang Macabebe, Pampanga dahil sa malawakang pagbaha bunsod ng epekto ng Habagat at Bagyong Nimfa.

Nagpasa ng Resolution No. 23 ang Sangguning Bayan na nagdeklara ng state of calamity sa Macabebe araw ng Huwebes.

Binanggit sa resolusyon ang matagal ng pagbaha sa iba’t ibang lugar sa munisipalidad dahil sa patuloy na pag-uulan.

Dahil dito ay hindi madaanan ng halos lahat ng uri ng sasakyan ang mga pangunahing lansangan sa Macabebe.

Sa ilalim ng state of calamity ay pwede nang gamitin ng lokal na pamahalaan ang 30% ng kanilang Quick Response Fund.