PDEA ipapanukala ang satellite office sa BuCor at drug test sa Bilibid inmates

By Angellic Jordan September 19, 2019 - 11:34 PM

Plano ng Philippine Drug Enforcement Agency (PDEA) na makipagpulong kay bagong Bureau of Corrections (BuCor) Director General Gerald Bantag.

Ayon kay PDEA Director General Aaron Aquino, nais niyang matalakay kay Bantag ang panukalang pagbabalik ng satellite office ng ahensiya sa BuCor at pagsasagawa ng drug testing sa mga preso sa New Bilibid Prison (NBP).

Natanggal kasi aniya ang satellite office ng PDEA sa Bucor noong panahon ni dating BuCor chief at ngayon ay Senator Ronald ‘Bato’ dela Rosa.

Matatandaang isiniwalat ni Aquino sa pagdinig sa Senado ukol sa pondo ng PDEA para sa 2020 na nagkakaroon pa rin ng ilegal na transaksyon ng droga sa loob ng Bilibid.

Itinalaga ni Pangulong Rodrigo Duterte si Bantag bilang kapalit ng sinibak na si Nicanor Faeldon dahil sa isyu sa GCTA law.

 

TAGS: Bilibid, bucor, Dir. Gen. Aaron Aquino, drug test, Gen. Gerald Bantag, inmates, PDEA, satellite office, Bilibid, bucor, Dir. Gen. Aaron Aquino, drug test, Gen. Gerald Bantag, inmates, PDEA, satellite office

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.