Operasyon ng MRT-3 pinag-aaralang palawigin kapag holiday season
Pinag-aaralan ng Metro Rail Transit – 3 na palawigin ang operasyon ng mga tren kapag holiday season.
Tumataas kasi ang bilang ng mga pasahero kapag hoilyda season na o mula Nobyembre hanggang Disyembre.
Ayon kay MRT-3 Director Michael Capati, sa ngayon ipinag-aaralan nila kung palalawigin o hindi ang operasyon ng kanilang mga tren.
Kailangang ikunsidera ayon kay Capati ang gagawin nilang pagpapalit ng riles ng MRT-3 na uumpisahan sa Nobyembre.
Simula sa Nobyembre, magsasagawa ng pagpapalit ng riles sa MRT-3 mula alas 11:00 ng gabi hanggang alas 3:00 ng madaling araw o sa mga oras na walang biyahe ang tren.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.