Metro Manila at mas maraming lalawigan sakop ng rainfall advisory ng PAGASA

Sa inilabas na panibagong rainfall advisory ng PAGASA ay mas marami pang lalawigan ang uulanin sa susunod na mga oras.

Sa abiso ng weather bureau, alas 5:00 ng umaga, mahina hanggang katamtamang pag-ulan ang nararanasan sa Metro Manila, Tarlac, Nueva Ecija, Zambales, Bataan, Pampanga, Bulacan, Cavite, Laguna, Rizal at Quezon.

Ang pag-ulang nararanasan ay bunsod ng Habagat.

Pinayuhan ng PAGASA ang mga residente sa nabanggit na mga lugar na maging alerto sa lagay ng panahon.

Maari kasing magdulot ng pagbaha at pagguho ng lupa ang nararanasang pag-ulan.