High-value target arestado sa buy-bust sa Bacolod City; P370K na halaga ng shabu nakumpiska

Arestado ang isang high-value target sa ikinasang buy-bust operation ng mga tauhan ng Philippine Drug Enforcement Agency Regional Office 6 at Negros Negros Occidental Provincial Office.

Ikinasa ang operasyon, Miyerkules (Sept. 18) ng hapon sa Purok Sigay Brgy. 2, Bacolod City.

Ang operasyon ay nagresulta pagkaka-aresto sa suspek na si Aaron Pañares Sauce alyas “Ayong Sause”.

Si Sauce ay isang high value target at matagal nang minamanmanan ng mga otoridad.

Nakuha sa kaniya ang aabot sa 55 gramo ng shabu na tinatayang aabot sa P374,000 ang halaga.

Mahaharap ang suspek sa kasong paglabag sa Sections 5 at 11, Article II ng RA 9165 o Comprehensive Dangerous Drugs Act of 2002.