Pag-aresto sa 3 Pinoy suspected terrorists sa Saudi di pa kumpirmado – DFA
Nilinaw ng Department of Foreign Affairs na patuloy pa rin nilang kinukumpirma ang report na nagsasabing tatlong Pinoy sa Saudi Arabia ang inaresto makaraang magsagawa ng pagtugis sa mga pininiwalaang terorista sa nasabing bansa.
Nauna dito ay lumabas sa pahayagang The Arab News na kabilang ang nasabing mga Filipino sa 44 suspected terrorists na inaresto ng mga otoridad sa Saudi Arabia.
Isinagawa ang crackdown operations noong December 23 na tumagal nang hanggang noong December 31.
Kabilang sa mga sinasabing inaresto ay 31 Saudi Nationals, 5 Syrians, 4 Yemenis at isang Sudanese.
Noong isang araw ay isang operasyon ulit ang ginawa sa mga pinaniniwalaang kuta ng mga terorista sa Saudi Arabia na nagresulta sa pagkaka-aresto ng 7 Saudi nationals, Isang Yemeni, Sudanese at Syrian.
Pinayuhan ng DFA ang mga naninirahang Pinoy at mga Overseas Filipino Workers (OFWs) sa Saudi Arabia na umiwas sa mga militanteng grupo dahil sa mga isinasagawang crackdown operations doon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.