Ai Ai pumila sa pagbili ng ticket sa event ni Park Seo Joon
Pumila ang komedyanteng si Ai-Ai Delas Alas para bumili ng ticket sa fan meeting event ng Korean actor na si Park Seo Joon.
Sa Instagram, nag-post si Ai-Ai ng video kung saan makikitang nakapila siya kasama ang anak na si Sophia.
Hindi alintana sa mag-ina ang nararanasang pag-ulan habang nakapila para lamang makabili ng VIP ticket.
Sumabay din ang mag-ina sa napakahabang pila ng mga tagahanga na kukuha rin ng ticket sa event.
Lalo namang humanga ang mga tagahanga at follower sa social media ni Ai-Ai dahil sa anila’y pagiging humble nito.
Idaraos ang fan meeting event ni Park Seo Joon sa Mall of Asia Arena sa September 29, 2019.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.