M3.5 na aftershock naitala sa Davao Occidental

Naitala ang magnitude 3.5 na lindol sa Davao Occidental alas 9:56 Miyerkules ng gabi.

Ayon sa Phivolcs, ito ay ang aftershock ng magnitude 5.4 na lindol na ang episentro ay sa bayan ng Sarangani.

Sa unang lindol alas 3:00 ng hapon, naramdaman ang instrumental intensity 1 sa Alabel, Sarangani at General Santos City.

Parehong tectonic ang pinagmulan ng magkasunod na pagyanig.

Wala namang inaasahang pinsala sa ari-arian pero una nang sinabi ng Phivolcs na asahan ang aftershocks dahil sa unang malakas na lindol.