Mataas na opisyal ng NPA naartesto sa Laguna
Naaresto ng mga otoridad sa Laguna ang isang mataas na opisyal ng New People’s Army (NPA).
Nadakip ang suspek na si Antonia Setias Dizon, 60 anyos sa San Pedro City, Laguna, Martes (Sept. 17) ng gabi.
Dinakip si Dizon sa bisa ng warrant of arrest para sa kasong murder na inilabas ni Acting Executive Judge Lou Nueva ng Regional Trial Court Branch 7 ng Bayugan City, Agusan del Sur.
Si Dizon ay kalihim ng National Organizing Department (NOD) ng CPP/NDF/NPA.
Nakuha sa bahay ni Dizon sa Barangay San Rosario ang isang cal 380 pistol na may lamang mga bala, 48 piraso ng bala para sa cal 380, 10 piraso ng blasting caps at wirings, dalawang mobile phones, isang laptop at mga dokumento.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.