Lalaki patay matapos pagbabarilin sa Tondo, Maynila

Patay ang isang lalaki makaraang pagbabarilin sa Balut, Tondo, Maynila.

Natagpuan ng mga residente sa lugar ang hindi pa nakikilalang biktima na duguan at wala nang malay.

Agad nila itong isinugod sa ospital pero idineklara ring dead on arrival.

Tadtad ng tama ng bala sa katawan ang lalaki kabilang na ang tama ng bala sa kaniyang ulo.

Ayon sa mga residente maaring hindi taga doon ang lalaki dahil hindi nila ito kilala.

Patuloy pa ang imbestigasyon sa insidente.