Metro Manila, mga kalapit na lalawigan uulanin sa susunod na mga oras dahil sa Habagat

Makararanas ng pag-ulan sa Metro Manila at mga kalapit na lalawigan sa susunod na mga oras.

Sa rainfall advisory ng PAGASA alas 5:00 ng umaga, aasahan ang mahina hanggang katamtamang pag-ulan sa Metro Manila, Tarlac, Bataan, Pampanga at Bulacan.

Mahina hanggang katamtaman ding pag-ulan ang nakaaapekto na sa Nueva Ecija at Zambales.

Ayon sa PAGASA, Habagat ang dahilan ng nararanasang pag-ulan.

Pinayuhan ang publiko na maging alerto at patuloy na imonitor ang ipalalabas na mga abiso ng weather bureau.