2 sasakyan natupok sa sunog na naganap sa Cebu City
Natupok ang dalawang sasakyan sa insidente ng sunog na naganap sa La Paloma Village sa Barangay Tisa, Cebu City.
Ayon sa Bureau of Fire Protection (BFP) sa Cebu City nagsimula ang sunog alas 10:15 ng umaga ng Martes, September 17.
Sinabi ni Fire Officer 1 Eary Francis Miaga, desk operator ng BFP Cebu City, agad namang nakontrol ang apoy pero dalawang sasakyan na ang natupok.
Sa pahayag ng mga residente sa lugar, may narinig muna silang pagsabog bago sumiklab ang apoy mula sa isa sa dalawang sasakyan.
Nakaparada lang sa lugar ang dalawang sasakyan.
Wala namang nasaktan sa insidente pero nagtamo din ng pinsala ang isang bahay na malapit sa paradahan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.