30 sugatan matapos mahulog ang jeep sa bangin sa Albay

Sugatan ang hindi bababa sa tatlumpung katao makaraang mahulog sa bangin ang sinasakyang pampasaherong jeep sa probinsya ng Bacacay, Albay Lunes ng umaga.

Batay sa ulat ng pulisya, pumalya umano ang preno ng sasakyan habang binabagtas ang pababang bahagi ng kalsada bandang alas siyete y medya ng umaga.

Karamihan sa mga sakay ng pampasaherong jeep ay mga pampublikong guro.

Patungo sana ang jeep sa Barangay Cagbulacao.

Agad namang isinugod ang drayber at mga pasahero sa Bicol Regional Training and Teaching Hospital.