Metro Manila, mga kalapit na lalawigan patuloy na inuulan

Nakataas ang heavy rainfall warning sa maraming bayan sa lalawigan ng Zambales bunsod ng patuloy na pag-ulan na dulot ng Habagat.

Sa inilabas na abiso ng PAGASA alas 8:00 ng umaga, yellow warning ang umiiral sa mga bayan ng Iba, Botolan, Cabangan, San Felipe, San Narciso, at San Antonio sa Zambales.

Mahina hanggang sa katamtamang pag-ulan naman ang mararanasan sa Nueva Ecija, Pampanga, Bulacan, Quezon, at Tarlac sa susunod na dalawa hanggang tatlong oras.

Ganitong lagay na rin ng panahon ang nararanasan sa Metro Manila, Cavite, Rizal, Bataan, Laguna, at Batangas.

Pinapayuhan ang publiko na magmonitor sa susunod na abisong ipalalabas ng PAGASA.