Higit P170K na halaga ng shabu nasabat sa buy-bust sa QC

Timbog ang magkapitbahay na ginang at estudyante sa buy-bust operation ng pulisya sa IBP Road, Brgy. Payatas, Quezon City, Linggo ng gabi.

Magkapitbahay sa North Caloocan ang mga suspek na edad 31 anyos ang babae at 19 anyos pa lang ang lalaki na isang senior high school student.

Ayon sa QCPD Station 6, positibong nabilhan ng poseur buyer ng P10,500 ng shabu ang mga suspek.

Umamin ang mga suspek na kanila ang nakuhang mga droga ngunit may nag-uutos din sa kanilang isa pang kapitbahay.

Nakuha mula sa dalawa ang kabuuang 25 gramo ng hinihinalang shabu na nagkakahalaga ng P170,000.