Heavy rainfall warning nakataas sa maraming bayan sa Zambales; Metro Manila at mga kalapit na lalawigan patuloy na uulanin

Nakataas ang heavy rainfall warning sa maraming bayan sa lalawigan ng Zambales bunsod ng patuloy na pag-ulan na dulot ng Habagat.

Sa inilabas na abiso ng PAGASA alas 5:00 ng umaga, yellow warning ang umiiral sa mga bayan ng Iba, Santa Cruz, Candelaria, Masinloc, Palauig, Botolan, at Cabangan sa Zambales.

Mahina hanggang sa katamtamang pag-ulan naman ang nararanasan sa Bataan, Pampanga, Bulacan, Nueva Ecija, Laguna, Batangas, at Quezon.

Habang katamtamang buhos ng ulan ang nararanasan sa Metro Manila, Tarlac, Cavite, Rizal at iba pang bahagi ng Zambales.

Pinapayuhan ang publiko na mag-monitor sa sususnod na abisong ipalalabas ng PAGASA mamayang alas 8:00 ng umaga.