Cargo truck nasunog sa Maharlika Highway sa Quezon

Tinupok ng apoy ang isang cargo truck habang binabaybay ang maharlika Highway sa Atimonan, Quezon.

Ayon sa Atimonan police, nasunog ang isang Fuso wing van na may lulang sako-sako ng carbon at minamaneho ni Jimmy Madaraso.

Bigla na lamang umanong umusok ang unahang bahagi ng van dahilan pagsapit sa Brg. Sta. Catalina.

Agad namang rumesponde ang mga bumbero at mabilis naapula ang apoy.

Wala ring nasaktan sa insidente.

Maari umanong faulty electrical wiring ang pinagmulan ng apoy.