Nagbalik-normal na ang operasyon ng Light Rail Transit Line 2 (LRT-2) matapos ang yumanig na magnitude 5.3 na indol sa Quezon.
Sa Twitter, inanunsiyo ng Light Rail Transit Authority (LRTA) na operational na muli ang tren pasado 7:00 ng gabi.
Pansamantalang inihinto ang operasyon ng tren kaninang 4:57 ng hapon.
Paliwanag nito, ito ay para bigyang-daan ang isinagawang inspeksyon ng LRTA Safety and Maintenance personnel sa mga istraktura ng tren.
Sa ganitong paraan, sinabi ng LRTA na matitiyak ang kaligtasan ng kanilang mga pasahero.
Tumama ang magnitude 5.3 na lindol sa Burdeos, Quezon kaninang 4:28 ng hapon at sinundan pa ng magnitude 4.7 na aftershock bandang 5:18 ng hapon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.