Bagyo sa labas ng bansa pumasok na sa PAR pinangangalanang Marilyn ng PAGASA

Nakapasok na sa Philippine Area of Responsibility (PAR) ang tropical depression Marilyn.

Ayon sa PAGASA, alas 9:30 ng umaga nang makapasok sa bansa ang bagyo.

Mamayang alas 11:00 ng umaga ilalabas ng PAGASA ang unang Severe Weather Bulletin para sa bagyo.

Ang trough ng nasabing bagyo ay nagpapaulan na sa malaking bahagi ng VIsayas at sa Luzon.

Hindi naman ito inaasahang tatama sa kalupaan.