Pamilya Espino nakiramay sa pamilya ng nasawing bodyguard ni dating Gov. Armando Espino Jr.

By Dona Dominguez-Cargullo September 12, 2019 - 10:03 AM

Nakiramay ang pamilya Espino sa mga naulila ng bodyguard ni dating Gov. Armando Espino Jr., na nasawi sa pananambang.

Sa pahayag na ibinahagi sa Facebok page ng Provincial Government ng Pangasinan, mariing kinondena ang tangkang pagpatay sa dating gobernador at dating kongresista.

Ipinaabot din ang pakikiramay sa mga naulila ni Police Staff Sergeant Richard Esguerra ang bodyguard ni Espino na nasawi sa ambush.

Ang iba pang kasama sa convoy ay kasalukuyang ginagamot at nagpapagaling kasama si Espino sa isang ospital.

Sa ngayon ay hinihintay pa ng pamilya Espino ang resulta ng masusing imbestigasyon na ginagawa ng mga otoridad.

Tiniyak din ng provincial government na mananagot ang nasa likod ng pangyayari.

Si Espino ay nakaligtas sa nasabing pananambang habang nasawi ang isa niyang bodyguard at sugatan ang iba pa.

TAGS: amado espino, ambush, former governor, pangasinan, amado espino, ambush, former governor, pangasinan

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.