Nawawala sa Bahamas dahil sa Hurricane Dorian umabot sa 2,500

Umabot sa 2,500 na katao ang nasa listahan ng mga nawawala matapos tumama sa Bahamas ang Hurricane Dorian.

Ito ay base sa inilabas na listahan ng National Emergency Management Agency.

Ayon sa tagapagsalita ng ahensya na si Carl Smith, isasailaim pa sa double-checking ang mga pangalan partikular sa mga evacuees na nanunuluyan sa mga nasalantang lugar.

Isang linggo matapos manalasa ang bagyo sa Bahamas ay umabot na sa 50 ang bilang ng mga nasawi.

Patuloy naman ang search and rescue sa mga nawawala pa.

Naibalik naman na ang suplay ng kuryente sa malaking bahagi ng Grand Bahama.