SOGIE bill hindi sesertipikahang urgent ni Pangulong Duterte

Nilinaw ng Palasyo ng Malakanyang na hindi sesertipikahang urgent ni Pangulong Rodrigo Duterte ang Sexual Orientation, Gender Identity, and Gender Expression Equality Bill o SOGIE bill.

Ayon kay Presidential Spokesman Salvador Panelo, hindi ang SOGIE bill ang susuportahan ni Pangulong Duterte kundi ang anti-discrimination bill.

Sa interview sa pangulo sinabi nito na sesertipikahan niyang urgent ang SOGIE bill dahil gusto niyang matulad kay dating Senador Juan Ponce Enrile na naging kilala sa pamosong linya na “Gusto ko happy ka”.

“Actually, what he meant was an anti-discrimation bill, not the SOGIE bill. Not that one,” paglilinaw ni Panelo.