Lolo patay sa pananambang sa Albay

Patay sa pananambang ang isang lolo sa Daraga, Albay.

Ayon kay Police Major Maria Luisa Calubaquib, tagapagsalita ng Bicol regional police, ang biktima ay nakilalang si Eriberto Lomerio, 64 anyos.

Binaril si Lomerio habang nagmamaneho ng kaniyang tricycle ng nag-iisang suspek sa Barangay Mabini alas 6:40 ng gabi.

Bagaman naisugod pa sa Daraga Doctors Hospital si Lomerio ay idineklara itong dead on arrival.

Patuloy pa ang imbestigasyon sa insidente.