Estudyante arestado matapos magtangkang magpasok ng marijuana sa University of Makati

Arestado ang isang 2nd year college student matapos tangkaing magpasok ng marijuana sa University of Makati.

Ayon sa gwardya ng unibersidad na si Danilo Benitez, nag-iinspeksyon siya ng gamit ng gma mag-aaral nang makita ang kahina-hinalang bagay sa gamit ng 23 anyos na estudyante.

Nang busisiin ay nakita ang marijuana na nakabalot sa yellow pad paper.

May nakuha rin sa bag ng suspek na isang glass tube na mayroong trace ng hinihinalang marijuana.

Mahaharap sa kasong paglabag sa Comprehensive Dangerous Drugs Act of 2002 ang estudyante.