Duterte binanatan si Robredo sa isyu ng pagtanggap ng regalo ng mga pulis

By Angellic Jordan, Chona Yu September 11, 2019 - 12:15 AM

Muling binanatan ni Pangulong Rodrigo Duterte si Vice President Leni Robredo, ngayon naman ay sa isyu ng regalo sa mga pulis.

Sa talumpati ng pangulo sa awarding ng 2019 Outstanding Government Workers sa Malakanyang, binatikos ng pangulo ang umanoy pagsakay ni Robredo sa naturang isyu.

Ito ay tungkol sa kanyang pahayag na pwedeng tumanggap ng regalo ang mga pulis bilang pabuya basta tiyakin lamang na “nominal” ang halaga nito.

Ayon sa pangulo, kapag si Robredo ang naging presidente ng Pilipinas ay patay ang bansa.

Hindi muna anya nagbasa si Robredo ng anti-graft and corrupt practices act bago naglabas ng pahayag ukol sa nasabing isyu.

Binanggit din ni Pangulong Duterte ang pagpuna ni Senador Panfilo “Ping” Lacson pero pinalampas niya ito dahil hindi abogado ang senador.

TAGS: Anti Graft and Corrupt Practices Act, binanatan, nominal, pabuya, Pangulong Rodrigo Duterte, Pulis, regalo, Senator Panfilo Lacson, Vice President Leni Robredo, Anti Graft and Corrupt Practices Act, binanatan, nominal, pabuya, Pangulong Rodrigo Duterte, Pulis, regalo, Senator Panfilo Lacson, Vice President Leni Robredo

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.