Paggamit sa air assets ng DND nakikitang solusyon ni Panelo sa tumataas na bilang ng mga namamatay na pasyente dahil sa trapik
Presidential spokesperson and Chief Presidential Legal Counsel Salvador Panelo answers questions from media during a briefing held at the MalacaÒang New Executive bldg, October 25, 2018.
INQUIRER PHOTO/JOAN BONDOC
Mala-air ambulance ang nakikitang solusyon ni Presidential Spokesman Salvador Panelo sa ulat na maraming pasyente na ang namamatay sa kalsada dahil sa matinding trapik at hindi maayos na implementasyon ng special lanes para sa emergency vehicles.
Ayon kay Presidential Spokesman Salvador Panelo, maaaring makipag ugnayan ang Department of Health sa Department of National Defense sa posibilidad na magamit ang chopper o iba pang air assets sa pagdadala ng mga pasyente sa ospital.
Maaari rin aniyang humirit ang DOH ng dagdag pondo sa national budget sa susunod na taon.
Pero paglilinaw ni Panelo, maaaring gamitin lamang ang air assets kapag emergency cases lamang.
Ayon kay Panelo ang paggamit ng air assets ng DND ang maaaring isa sa mga solusyon habang hindi pa pinagkakalooban ng kongreso ng emergency powers si Pangulong Duterte para masolusyunan ang problema sa trapiko.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.