Yellow rainfall warning nakataas sa Zambales, Bataan at Cavite

Itinaas ng PAGASA ang yellow rainfall warning sa Zambales, Bataan at Cavite bunsod pa rin ng umiiral na Habagat.

Sa heavy rainfall warning advisory na inilabas alas-2:00 ng madaling-araw, nagbabala ang weather bureau sa posibilidad ng pagbaha at mga mabababang lugar at malapit sa river channels.

Samantala, mahina hanggang sa katamtamang mga pag-ulan naman ang mararanasan sa Metro Manila, Rizal, Laguna, Batangas, Pampanga at Bulacan na posibleng tumagal ng dalawa hanggang tatlong oras.

Inabisuhan ang publiko at mga Disaster Risk Reduction and Management office na bantayan ang lagay ng panahon at abangan ang susunod na advisory na ilalabas alas-5:00 ngayong umaga.