Pahayag ni Sen. Pangilinan sa paglipat ng 10 high-profile inmates sa Philippine Marines, kahangalan ayon sa Palasyo

Kahangalan ang pahayag ni Senador Kiko Pangilinan na kaya inilipat sa kostudiya ng Philippine Marines mula sa New Bilibid Prison (NBP) ang mga drug convict na witness laban kay Senador Leila De Lima ay para tuloy ang pagsisinungaling at pagdidiin sa senadora sa kaso ng ilegal na droga.

Sa panayam ng Radyo Inquirer, sinabi ni Presidential Spokesman Salvador Panelo na kaya inilipat ang mga preso dahil sa banta sa kanilang buhay.

Dapat aniyang alam ni Pangilinan ang batas dahil isa siyang abogado.

Nais lamang aniya ng pamahalaan na tiyakin ang kaligtasan ng mga testigo.