Palasyo: Faeldon, maaaring i-reappoint sa pamahalaan
Maari pa ring ma reappoint sa gobyerno si dating Bureau of Corrections (BuCor) chief Nicanor Faledon.
Ito ay kahit na sinibak na ni Pangulong Rodrigo Duterte si Faeldon dahil sa pagsuway sa kanyang utos na huwag palayain si convicted rapist at murderer Antonio Sanchez.
Sa panayam ng Radyo Inquirer, sinabi ni Presidential Spokesman Salvador Panelo na ito ay kung nanaiisin ni Pangulong Duterte na ipagpatuloy ang paninilbihan ni Faledon sa pamahalaan.
Malinaw naman kasi aniya na hindi korupsyon ang isyu kay Faledon kundi insubordination lamang.
Polisiya aniya ng pangulo na huwag mag appoint ng mga corrupt na opisyal.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.