Truck driver patay, 25 sugatan sa aksidente sa Quezon

Nasawi ang isang dyarber ng trak habang sugatan ang 25 katao matapos banggain ng isang bus ang tatlong sasakyan bago sumalpok sa isang bahay sa Maharlika Highway sa Atimonan, Quezon araw ng Biyernes, Septermber 6.

Ayon Atimonan Police chief Major Alejandro Onquit, nangyari ang insidente nang nag-overtake ang bus na pagmamay-ari ng Elavil Tours Philippine Inc. na minamaneho ni Aldin Madera sa isang tricycle habang binabaybay ang palikong daan sa Barangay Angeles alas 4:40 ng hapon.

Unang sumalpok ang bus sa trailer truk na minamaneho ng biktimang si Ireneo Abayon na dead on the spot dahil sa malalang sugat na natamo.

Matapos ito, bumangga ang bus sa mga kasunod na tricycle bago sumadsad sa isang bahay.

Nasa 16 na pasahero ng bus ang nasaktan kabilang si Madera, 2 pahinante ng trailer trak, 2 driver ng tricycle, 5 pasahero ng motorsiklo, at isang tao sa nabanggang bahay.

Dinala ang mga nagtamo ng sugat sa Doña Martha Memorial District Hospital at Nuestra Senora Delos Angles General Hospital para magbigyan ng atensyong medikal.