Ayusin ang mga kulungan, panawagan ni Sen. Bong Go

Inihirit ni Senator Christopher “Bong” Go sa Department of Justice (DOJ) na ayusin ang mga kulungan sa bansa at tiyakin ang maayos na pagtrato sa lahat ng mga preso at detenido.

Pagdidiin pa ni Go, dapat ay pantay-pantay din ang pagtrato sa lahat ng mga persons deprived of liberty o PDL.

Dapat din aniyang tuldukan na ang ‘Bata Bata’ system sa mga kulungan para wala ng maging alegasyon ng palakasan.

Una nang sinuportahan ni Go ang utos ni Pangulong Rodrigo Duterte na arestuhin ang lahat ng mga nakinabang sa good conduct time allowance o GCTA.

Aniya, dapat ding maisiwalat nang husto ang modus na ‘GCTA for sale.’