PNoy nagtalaga ng bagong Ambassador sa Spain
Itinalaga ni Pangulong Benigno Aquino III bilang bagong Ambassador ng Pilipinas sa Spain ang Presidential Protocol officer ng Malacanang na si Amb. Celia Anna Feria.
Ayon kay Executive Secretary Paquito Ochoa Jr., ipinadala na ang appointment papers ni Amb. Feria kay DFA Sec. Alberto Del Rosario gayundin ang nominasyon nito.
Bukod sa pagiging ambassador extraordinary at plenipotentiary sa Spain ay may jurisdiction din ito sa Principality of Andorra.
Nagsilbing Presidential Protocol si Feria bago ito hirangin ng Pangulong Aquino bilang ambassador ng Spain.
Naglingkod na din si Feria bilang Consul General ng Philippine Embassy sa Spain.
Samantala, inilabas na rin ng Malacañang ang appointment papers ni Asec. Roberto Cabrera bilang bagong pununo ng Land Transportation Office kapalit ng nag-resign na si Atty. Alfonso Tan Jr.
Napabalita rin na magtatalaga sa mga susunod na araw ang Pangulo ng bagong Commissioner at Deputy Commissioner ng Bureau of Immigration.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.