Rapper na si Nicki Minaj inanunsyo ang pagreretiro

Nagulat ang maraming fans ni Nicki Minaj matapos nitong ianunsyo ang kaniyang pagreretiro.

Sa kaniyang post sa Twitter sinabi ni Minaj na nais niyang mag-focus sa kaniyang pamilya kaya magreretiro na siya sa kaniyang career.

Ang 36-anyos na si Minaj ay engaged na sa music executive na si Kenneth Petty at inaasahang magaganap ang kanilang kasal sa susunod na mga buwan.

Naging mabilis ang pagiging tanyag ni Minaj matapos irelease ang kaniyang single na “Super Bass”.

Noong June 2019 nang irelease naman ang single niyang “Megatron”.

Inulan naman ng reaksyon mula sa fans ang tweet ni Minaj.

Marami ang nagpasalamat sa kaniyang 11 taong career.