Masayang humarap sa mga miyembro ng media ang sinibak na pinuno ng Bureau of Corrections (BuCor) na si Nicanor Faeldon.
“I’ve never been happier now, relieved,” ayon sa dating BuCor official.
Ngayong hapon ay dumating sa Senado si Faeldon para sa ikatlong araw ng imbestigasyon ng imbestigasyon ng Senate Justice at Blue Ribbon Committee kaugnat sa kontrobersiyal na Good Conduct Time Allowance (GCTA) Law.
“Wala nang yoke sa balikat. You can soundly sleep,” dagdag pa ni Faeldon.
Nag-adjust rin sa schedule ang mga senador para maisalang sa imbestigasyon ang dating pinuno ng BuCor.
Kahapon ay sinibak ni Pangulong Rodrigo Duterte sa kanyang pwesto si Faeldon makaraan itong hindi sumunod sa kanyang utos na huwag hayaang makalabas sa kulungan ang ilang mga nakatulan dahil sa heinous crime.
Muli namang nanindigan si Faeldon na wala siyang nilabag na batas sa kanyang mga naging desisyon kaugnay sa GCTA dahil sinusunod lamang niya ang mga panuntunan tungkol dito na siya ring ginamit ng mga nagdaang pinuno ng BuCor.