Bus, nahulog sa bangin sa Calauag, Quezon, 30 pasahero sugatan
Tatlumpung katao ang nasugatan matapos mahulog sa bangin ang isang pampasaherong bus sa Calauag Quezon.
Naganap ang insidente sa Barangay Bagong Silang, alas dose ng hatinggabi.
Galing umano ng Cubao sa Quezon City ang Bus at patungo sa Placer, Masbate.
Ayon sa isa sa 42 na pasahero ng Mega Bus Line, mabilis ang takbo ng bus at nawalan ito ng kontrol nang lumiko kaya nahulog sa bangin.
Naniniwala din ang ilang pasahero na maaring nakatulog ang driver na kasama rin sa mga nasugatan.
Agad isinugod sa pinakamalapit na ospital ang mga nasugatan.
Ilan naman sa mga pasahero kabilang ang driver ng bus ay nasa kritikal ang kondisyon dahil sa tinamong sugat sa katawan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.