Ayon kay BI Commissioner Jaime Morente, unang nahuli ang mga Chinese na sina Wang Yaru, Yu Ming Wei, Wei Chunxue, Li Zhi Cheng, Lin Huzi, at Zhou Zhongyi.
Naaresto ang lima sa amin na pugante sa isang concominium sa Makati habang ang isa naman ay sa Ninoy Aquino International Airport (NAIA) Terminal 3 noong August 30.
Ayon kay BI Intelligence Officer Bobby Raquepo, sangkot ang mga dayuhan sa online fraud sa pamamagitan ng pamemeke ng mobile application na “Fast 3 Lottery.”
Dahil dito, ipapa-deport ang mga Chinese at maisasama sa blacklist para hindi na muling makapasok sa Pilipinas.
Tiniyak naman ni Morente na patuloy silang makikipag-ugnayan sa mga otoridad sa ibang bansa para mahuli ang mga puganteng dayuhan na nagtatago sa Pilipinas.