Aabot sa anim hanggang sa walong bagyo ang posibleng pumasok sa bansa sa unang anim na buwan ng taong 2016.
Ayon kay Philippine Atmospheric, Geophysical, and Astronomical Services Administration (Pagasa) Forecaster Shelly Ignacio, ito ay kasabay pa rin ng patuloy na pag-iral ng El Niño sa bansa.
Sinabi ng PAGASA na maaring mas maging malakas ang mga papasok na bagyo pero ang direksyon ay puro paitaas.
Ang nasabing bilang ng mga bagyo na inaasahang papasok sa bansa sa unang anim na buwan ng taon ay mas kaunti kay sa sa normal na nararanasan sa mga nagdaang taon.
Ayon kay Ignacio, sa unang anim na buwan ng taong 2016, mas kaunti ang bagyong makaaapekto sa bansa kaya mas mababa din ang mararanasang pag-ulan.
Sa naunang pagtaya ng PAGASA, 80 porsyento ng bansa ang makararanas ng tagtuyot sa buwan ng Marso at Abril.