Snatcher ng cellphone patay matapos manlaban sa pulisya sa Rizal

Nasawi ang isang hinihinalang magnanakaw matapos makipagbarilan sa mga otoridad sa Rizal araw ng Martes.

Batay sa ulat ng Calabarzon police, nanghablot ng cell phone ang suspek na kilala lamang sa pangalang ‘Michael Nguso’ at kasamahan nito sa bahagi ng Barangay San Jose, Antipolo City.

Nagsumbong ang biktima sa mga pulis ngunit agad nakasakay ang mga suspek sa isang pampasaherong jeep.

Naabutan ng mga otoridad ang dalawa sa Barangay Dolores sa Taytay ngunit nagpaputok ng baril ang mga suspek.

Gumanti ng putok ng baril ang mga pulis dahilan para matamaan at masawi si Michael habang nakatakas naman ang kasamahan nito.