Mahigit tatlong daang toneladang basura ang nakolekta ng Metropolitan Manila Development Authority o MMDA sa iba’t ibang siyudad sa Kalakhang Maynila matapos ang New Year revelries.
Ayon kay MMDA Metro Parkway Clearing Group Chief Francis Martinez, mula January 01 hanggang 03, 2016, ang MMDA ay nakakolekta ng 319 tons ng basura o 1,086 cubic meters ng mga kalat.
Gayunman, mas mababa raw ito kumpara sa 2000 cubic meters na basura na nakolekta noong nakalipas na taon.
Sinabi ni Martinez na ang pagkaunti ng mga basura ay dahil sa ulan na naranasan noong bisperas ng Bagong Taon hanggang sa mismong unang araw ng 2016.
Maaari rin daw na nadiscourage ang publiko na magpa-ilaw o magpaputok noong pagsalubong sa New Year.
Ani Martinez, nauna nang idineploy ang mga MMDA personnel sa ilang specific areas sa Metr Manila, lalo na sa mga pampublikong lugar gaya ng mga parke, Rizal Parl at Baywalk sa Maynila.
Karamihan sa mga basurang nakolekta ng MMDA ay mga basyo ng paputok, plastic bags, mga bote, food wrappers at mga upos ng sigarilyo.