Pagdakip muli sa mga bilanggo na napalaya dahil sa GCTA law, pag-aaralan ng DOJ

Pag-aaralan ng Department of Justice (DoJ) ang mungkahi ng Malakanyang na muling arestuhin ang preso na napalaya dahil sa GCTA o Good Conduct Time Allowance law.

Sinabi ni Justice Sec. Menardo Guevarra, na kabilang iyon sa ikinukonsidera ng kagawaran na isalang sa review angguidelines at Implementing Rules and Regulations ng R.A. 10592.

Ibinase ng Malakanyang ang rekomendasyon matapos bigyang halimbawa ni Sen. Franklin Drilon ang People vs. Tan, kung saan iniutos ng Supreme Court (SC) ang muling pag-aresto sa isang inmate na napalaya ng mali ng jail warden base sa GCTA.

Naniniwala ang Malakanyang na maaring gamitin itong legal basis para maarestong muli ang mga PDL’s o Persons Deprived of Liberty na nakalaya na.